Қаражорға айналасындағы қақтығыс көпшілікке қай жағынан болмасын қозғау салуда. Бәріне аян, даудың басы Берік Сұлтановтың «Шындық» порталына жариялаған мақаласынан басталды. Іле Өркеннің өрнегінде бұл мәселеге орай жауап қайырылды. «Ана тілі» газетінің 3-ші желтоқсандағы санынан да Қаражорғаға қатысты мақаланы көзіміз шалды. Осы тақырыптың көтерілуі мұң екен, жан жақтан «Қаражорға» бәйгесіне, дұрысы ой додасына қосылмақ сәйгүліктер көбейді. Әрқайсының өзіндік тұжырымы бар. Дұрыс-ақ делік. Бұл жағынан кей мемлекеттермен салыстырғанда біздің елде еркін ойлауға, пікірің жеткізуге құқық берілген. Бірақ, «Қаражорғаны» желеу етіп, дәлелденбеген күмәнді пікірін оқырманға танып жатқан кей журналистерге қалай қарауға болады? Мәселен, «Дат» газетінің 1 желтоқсан, 2010 жылғы №43(80) санында Мәди Керімсалдың «Қара жорға биіне кімдер көз алартуда» атты мақаласы жарық көрді. Тоқ етеріне тоқтайын. Тақырып төңірегіндегі көкпар айналып келіп «азаматтық журналистикаға», ақырында дін мәселесіне тіреледі. Әртүрлі сайт, порталдарды атай өтіп мақала соңындағы мына бір абзацты қарамен ерекшелеп көрсетеді: «ҚазҰУ-дағы журналистика факультетінде Асхат Еркімбай есімді жат дінмен уланған журналист блогтық журналистика бойынша сабақ береді. Дәл қазір бір ғана Асхаттың өзі-ақ қаншама әрі діншіл, әрі блогшы шәкірттерді дайындап жатыр. Журфактағы қазақтілді ортаның теперіш көріп отырғанын, ондағы ұлттық идеологияның осал түсіп жатқанын айтсақ, бұл факультет мемлекетіміздің негізін құраушы ұлттың қамын жейтін емес, керісінше, қазақ ұлтына қарсы ұрпақты тәрбиелеп шығармасына кім кепіл?» дейді. Ескере кететіні, жоғарыда айтқан Асхат ағайдың шәкіртінің бірі мен. Мәди Керімсалдың сөзіне сенер болсақ әрі діншіл, әрі блогшы шәкірт екенбіз. Оқытушымыз жат дінмен уланған журналист. Оқи отырып таң қалдым. Жасырмаймын, ашу қысты. Газетке жол тартқан фотоны да менің блогымнан рұқсатсыз көшіріп жариялап жіберіпті. Жалпақ жұртқа көзі жетіп көрмей, дауысы жетіп естімей жар салуға бола ма? Халықаралық заң шеңберінде бұл мәселені шешер болса жеке басқа моральдық қолайсыздық әкелгені үшін, жалған ақпарат таратқаны үшін әкімшілік жауапқа тартуға болады. Бастысы ол емес. Өкініштісі, осындай өсектің деңгейіне тең материалдардың мақаладан ойып тұрып орын алатыны. Бір қызығы осы мақала abai.kz, adyrna.kz порталдарында басылғанмен дәл қарамен ерекшеленген абзац алынып тасталыныпты.
Ал, шын мәнінде біздегі Блогтық журналистика пәнінің қалай, қандай жүйе, құрылыммен өтетінін декан да, студеттер де жақсы біледі. Ақталудан аулақпын. Сөз соңында айтарым, алысты көргің келсе биікке шық.
QazNet.Info
Жел 05, 2010 @ 16:07:15
Абай.кз сайты халықтың санасын улайтын мақалаларға толып барады, өкінішке орай. Біреудің ала жібін аттамай, өзімен-өзі тура жолда жүрген Асхаттай азаматқа соқтыққаннан кейін аталмыш газеттің далбаса екендігін және ол мақаланы өздеріне керек тұсын жариялаған абай.кз сайты да оңбаған екен.
Мына мақаланы жазған журналисті және газетті сотқа беру керек. Себебі, авторлық құқықтың сақталмауы және жеке адамның қадір-қасиетіне қол сұғушылық орын алған. Егер Асхат аға және сіз осы іспен айналысатын болсаңыздар, бүкіл қазақ блогшылары қолдайды.
Меніңше, бұл мәселені жай ғана қоя салуға болмайды. Қазір не көп, жалған ақпаратпен біреудің жеке басына кір келтірушілер көп. Оларды ауыздықтамаса, бетімен кетеді арсыздар.
ulytau.ulany
Жел 05, 2010 @ 16:50:01
Қазір кімнің қандай мақсатпен, қандай сойылды соғып жүргенін аңдау қиын. Рас, бәріңде сауатты түрде таразыға салып бір жөнге келтірген дұрыс. Ол жағын Асхат ағайдың өзімен ақылдасу керек.
kazprose
Жел 05, 2010 @ 16:46:49
Мақаланы оқыған жоқпын қазірше. Ертең көрейін. Сорақылықтың, үздік ұстаздың талантты шәріт тәрбиелеуін көре алмаушылықтың бір ғана мысалы ғой бұл. Тым бүлінудің қажеті жоқ. Итпен бірге ырылдассақ адамдық пен кісілігіміз қайсы, Асқарбек!
QazNet.Info
Жел 05, 2010 @ 16:58:56
Үндемесеңіз сол «иттер» басыңызға тышаты. Адам болып «иттердің» боғының астында қалу да адамдыққа жат нәрсе.
ulytau.ulany
Жел 05, 2010 @ 17:06:04
Келісем. Бірақ, біз жақтан ырылдасқан түрде болмаса да, көрер көзге күйе жағып тұрған жайтқа бір жауап болу керек қой. Бүгін осылай деп, ертең бұдан да сорақысын жазбасына кім кепіл?
rozatai
Жел 06, 2010 @ 05:08:02
не в тему агайга тиiстi, арасында не в тему бiз кеттiк
qisyq
Жел 06, 2010 @ 05:59:21
Бәрінен де «Абай.кз»-тікі дұрыс болмады.
maqpal
Жел 06, 2010 @ 07:01:59
Ай мен күннің амандығында ешкімнің көмегінсіз қазнетті дамытып жүрген Асхатқа жала жапқаны несі? Мәселенің төркіне бармай, қызыл сөзге әуестіктен қашан арыламыз екен? Әйтеуір, құр көбік сөздер айтуда алдымызға жан салмайтынымыз анық
Abilakim
Жел 07, 2010 @ 05:23:41
«Жас алаш», «Азаттық», «Абай кз» кейінгі уақытта не болса соны жазуды дәстүрге айналдырып алды. Қазақты алалап жатыр деп айқай сала отырып өздері де сол биіктен көрініп жүр.
technosyndrom
Жел 07, 2010 @ 05:27:27
Мынау сұмырайдың жазбасы ғой!!! Масқара!!!
Мен Асхатты жеке білгесін бе, танығасын ба, кәдімгідей пұшайман боп қалдым. Анау Мәдиден кешірім сұрату керек.
Аршат
Жел 07, 2010 @ 05:36:44
Жындыға айналадағылардың өзінен басқаның бәрі жынды болып көрінеді екен. Ол журналистің діні бұзық шығар, сондықтан басқалардың діни көзқарасы оған бұзық болып көрінеді.
Нұрғиса
Жел 07, 2010 @ 09:05:46
Асхаттыкі ірілік. Мәди Керімсал кім екенін біле бермеймін. Бірақ мынадай «уәжі» көп жайдың … бетін ашады. Ақ кеңірдек, қызыл кеңірдек боп алысып не керек. Әңгіме байыбын білуші аражігін ажыратар, Асхатты арашалап алар. Саяздан ірі аулаймын деп бұлқан-талқан боп басын тауға да, тасқа да соғушыны аяйсың тек. Осысы түгелдейін рәсуә емес пе екен деп…
alashaman
Жел 08, 2010 @ 06:59:13
Негізі Мәдидің Асхатқа тиісуі Асекеңнің әдемі сақал қоюынан шыққан болар. Қазір сақал қойсаң діншіл, діншіл болғанда уахаббис деп сөгетін болды ғой. Жалпы, бізде адамды танып-білместен қаралай салу оп-оңай. Егер, ұлтқа қызмет жасайтын жігіттер босла, Асхаттай-ақ болсын. Ісі мен сөзі сәйкеспейтін, көбімізге қарағанда Асхат оқ бойы озық тұр.
Екіншіден, кімнің иманы кәміл екендігін Мәди өлшемес. Сондықтан, жазғыштар абайлағаны жөн шығар.
patick
Жел 08, 2010 @ 07:28:40
Мәди Керімсал сөзіне жауап бере ала ма екен, сонысы қызық болып тұр 🙂
Акмоншак
Жел 18, 2010 @ 08:30:22
Енди кимнин диншилдигин соз етип бир сенсация жасаймыз деген ойдан туган шыгар ол макала. Сойтип Асхат агаймызга теисти. Бирак сал-пал зерттеу жургизсе олай жазбас еди. ойланбапты да гой деймин Мади. Болар елдин баласы бирин-бири батыр дейди. Так что кундестиктеринди койындаршы АЗАМАТТАР!